香港司儀網

大家都覺得新節目《玩嘢王》好睇,

尤其是對婚禮有興趣的人, 一定會睇阿BOB被玩那一段。
睇完之後, 我也覺得BOB處理得好好, 相信佢一定大把生意~

我的感覺係:  BOB 呢場婚宴是災難!!  好多好多平日可能發生的問題在一晚之內連續出現,

換左係我又點處理呢? 你係咪好想知呢…..

答案係: 我都唔知, ( 當然, 我大概想像到處理方法會係點)
因為一切都係“執生”
做司儀的基本概念係要 “執生” !    這是必須, 是難度, 也是挑戰…   亦是反映經驗 和 判斷能力。

要判斷的… 包括:
事故的性質係咩 (壞機? 唔好意頭 ? 失控 ?) ;
賓客的感覺 ;
顧及大體禮儀 ;
我有咩方法/資源 去 化險為夷 ?

睇左呢個blog 100個POST, 你都唔覺我交代做司儀點樣“執生” ..
係的, 因為我不可能在這裡告訴你一些婚宴中我曾遇過的問題人物, 問題場地,

我可以講, 我曾遇過:
– 律師遲到20分鐘 ;   乳豬遲到15分鐘;
– 螢幕有畫面而無聲;
– MC拍擋講錯左重要資料 ;
– 有人醉酒失控 …   (唔好再講了….你地唔會以為我係黑仔王卦.. )

經一事、長一智…
每次婚宴之後, 我在回家的車上仔細回顧做得好 和 可改善的地方,
諗一諗下次再遇類似事的方法  (而家都儲落都唔少了)

我享受做司儀!
因為相信婚宴, 不是流水作業, 一定要集中精神留意細節, 用心做
準備!!
Ready….