MC Alvin Li 李子俊 司儀紀錄: 婚禮司儀 - Hong Kong Skycity Marriott
作為一位婚宴司儀，最榮幸莫過於得到同業嘅讚賞同認同。感謝Zoe同Steven嘅邀請，俾我同Maggie可以以司儀嘅身份參與您哋既感動又好玩嘅世紀婚禮。
琴晚多個環節都令我相當感動，特別係Steven深情嘅驚喜獻唱，場面真係十分之浪漫、溫馨。而Zoe嘅致辭亦都好大方得體，賓客大讚賢淑。敬酒部分亦多得兄弟姊妹團全情投入，令到現場氣氛更為熱烈。之後嘅台上大合唱更加係將整個晚宴嘅氣氛推上高峰，好開心可以喺婚宴上同咁多位賓客一齊合唱，認真好玩～
婚宴最終能夠圓滿完成，特別要多謝三位大會統籌：Cal、Claudia同埋Vanki，我哋嘅團隊同您哋溝通、配合得天衣無縫，令整個晚宴環節流暢順利。另外當然要多謝我嘅拍檔Maggie，好享受同妳喺台上嘅合作同交流～ 仲有就係我嘅三位師妹兼客席司儀：Bra姐、Sylvia同埋Vivian，有您哋嘅全程協助同配合令我可以專心舞台上工作嘅同時，兼顧台下每一個細節，衷心感謝您哋。
再一次恭喜司徒生、司徒太！期待您哋將來擺滿月酒或者係百日宴嘅時候再為您哋主持party啦～
- 2015-11-15
- 婚宴司儀
