香港司儀網

繼星期六朝早要入科學園做司儀之後，琴日一朝早就去到添馬公園為海港青年商會主辦嘅「第37屆國際兒童繪畫比賽暨公開攝影比賽」擔任司儀～

 

做咗司儀咁耐，今次有好多嘅第一次！第一次去添馬公園、第一次喺公園做司儀、第一次主持活動有人幫手擔遮、第一次因為天氣關係要改動流程。試過籌備活動嘅朋友都一定知道背後要花嘅人力、物力、心機同時間真係不足為外人道，要籌委忍痛刪減流程所講嘅唔單止係心血嘅問題，之後一連串嘅決定同安排先至係最大嘅挑戰。正當大家諗住狂風暴雨之下參加者都會離開嘅時候，工作人員先發現原來有好多參加者都分別喺唔同有瓦遮頭嘅地方繼續畫作，好多家長同小朋友都堅持完成作品！大會為咗方便參加者遞交作品更加臨時安排義工加開收畫處，而我亦同其他工作人員不斷走訪唔同地方通知參加者有關安排以及派發飲品。過程中不斷聽到「辛苦晒」、「唔該晒」、「多謝你」令我相當感動！☺️

 

天氣不似如期，雖然我哋控制唔到天氣，但係我哋可以改變自己。亦都因為依一場風雨我見到好多好靚、好有愛嘅畫面：一個6、7歳嘅男仔主動拎住把遮盡量企高遮住拎住畫具嘅媽咪、一對4、5歲嘅姊妹兩個人互相搭住膊頭共用一把遮、一位小妹妹騎膊馬拎住把遮遮住自己同爸爸、一個表演團隊同埋演出嘅小朋友與及係佢嘅家長無