MC Alvin Li 李子俊 司儀紀錄: 活動主持 - 「和平及可持續發展」國際青年節開幕禮
今個星期六、日又係全程投入司儀工作嘅日子~ 首先有香港聯合國教科文組織協會舉辦嘅「和平及可持續發展」國際青年節開幕禮!
突然發覺同科學園依個地方都幾有緣~ 前年同上年就喺度為「小紙箱大世界」擔任司儀,估唔到今日又可以嚟依道以司儀身份參與一個咁盛大嘅活動!要多謝Carol對我嘅信任~ 繼JCI總會就職典禮後再一次對我委以重任,唔單止俾機會我同師弟阿Lim可以同幾位學生司儀交流分享做司儀嘅心得秘訣,仲可以同又高、又靚、又專業嘅司儀Vincy做拍檔,真係十分滿足~活動上同好多表演嘉賓都打成一片,亦都好榮幸得到劉秀成教授與及鍾志平博士對Vincy同我嘅司儀表演給予高度評價~
能夠同大家參與依個宣揚「愛與和平」嘅活動真係好有意義~ 然後依家要好好休息,準備聽日另一個好有意義嘅活動,就係「國際兒童繪畫比賽暨公開攝影比賽」喇!聽朝9點添馬公園見~ 聽日一定會好天嘅!
- 2016-04-09
- 活動主持