MC Alvin Li 李子俊 司儀紀錄: 婚禮司儀 - Marco Polo Hong Kong Hotel 20151206
琴日完成咗2015年主持嘅最後一場婚宴,啱啱係今年嘅第15場,為今年嘅婚宴司儀工作畫上完美句號~
今次真係好多謝Josephine同Ryan,除咗俾我以司儀身份參與您哋嘅婚宴之外,仲對我為您哋介紹嘅晚裝、花球同埋編排嘅流程絕對信任!兩對引領新人進場嘅花仔花女都好精靈、好得意,令到進場儀式浪漫圓滿。一對新人致謝辭嘅時候亦都十分真摯同感動!婚宴嘅氣氛相當好,令我同其他賓客一樣,散席嘅時候都唔捨得走~
另外要多謝我兩位師妹:Sylvia同Keiko,為我處理燈光、音響同埋進場綵排,令到整個婚宴流程完全按計劃完成,好多賓客都對您哋讚不絕口~ 仲有就係小雅,新娘子高佻fit爆嘅身型著上您She & He Wedding推介嗰套紅色晚裝真係瑰麗大方!當然唔少得Rachel同Sandy,您哋Della Luna精心製作嘅鮮花花球今次自動upgrade用上garden rose,無論係襯埋新娘子套迎賓晚裝定係場地背景都典雅貴氣十足~