香港司儀網

《人海中遇見你》

 

三日之內為兩對黃生、黃太主持婚禮確實係好事成雙～ 好多謝Kelly同Calvin搵我擔任您哋大日子嘅司儀！一直都知道您哋安排同處理每一件事都親力親為，連舞台Backdrop嘅設計加製作，甚至乎Photo Booth都自家製確實係十足落力！

 

當然您哋互相對對方嗰份用心炮製嘅驚喜更加係成個晚宴嘅高潮所在。多得您哋十分之信賴我前期幫您哋度嘅流程同建議，加上兄弟姊妹團同Tim師弟嘅全情投入、全程配合先至可以令到整個晚宴圓滿完成。能夠幫您哋完成雙重驚喜係我嘅榮幸，可以近距離睇到您哋無論致謝辭定驚喜環節嗰種真情流露係我嘅福份～

 

另外不得不讚Danny嘅專業攝影團隊，您哋影嘅相、拍嘅片唔單止靚，同您哋嘅合作亦都十分之暢順同愉快，猶其係嗰張世紀之吻，真係影得十分華麗！期待將來再有合作嘅機會～ 

 

黃生、黃太，再一次多謝您哋俾個機會我參與您哋咁好玩嘅結婚派對，期待您哋出年擺滿月酒或者係百日宴再玩過～