【超強斷線一分鐘】大台投票多甩漏 網民圍插硬cut主持人講嘢 (蘋果日報) | 香港司儀網 Hong Kong MC - 最齊全的司儀主持平台

【超強斷線一分鐘】大台投票多甩漏 網民圍插硬cut主持人講嘢 (蘋果日報)

分享 : Facebook Twitter Google LinkedIn

司儀焦點/新聞/消息/情報:  【超強斷線一分鐘】大台投票多甩漏 網民圍插硬cut主持人講嘢 (蘋果日報)

(轉載自蘋果日報
http://hk.apple.nextmedia.com/enews/realtime/20150721/53998038)

大台最近又有新搞作,玩直播《超強選擇一分鐘》由森美、草蜢、錢嘉樂等做主持,觀眾可以透過TVB fun即場答問題,喺一分鐘內答啱問題嘅人,有機會贏得巨額獎金,點知「超強選擇一分鐘」變成「超強斷線一分鐘」!


據知,節目《超強選擇一分鐘》係因為太多觀眾參與,伺服器負荷唔到,令唔少觀眾因為連唔到線,答唔到問題,錯失獲獎嘅機會,有網民批評大台喺節目播出前,竟然冇做伺服器壓力測試,睇吓伺服器承受力有幾多,更有網民指問題唔夠nowTV節目《撳錢》咁深,認為題目偏簡單,另有網民寸大台搞直播,又要播廣告,難免硬cut主持人講嘢,未講完嘢就被cut,搞到有啲慣性開電視嘅觀眾,仲以為屋企有人忽然「轉咗台」冇晒聲,PA亦有出錯,主持人行行吓,唔知點解螢幕出現咗唔關事嘅圖,又有網民問:「除咗揀 ABC,成台 show都唔知做乜?」

其實,大台為咗吸引多啲人睇,不時搞吓投票。2012年香港小姐競選決賽曾搞過「一人一票投選香港小姐」,抽得獎者送名車,點知人流過多造成系統故障,最終,司儀喺鏡頭前接字條,宣佈投票伺服器失靈,三甲名次改由評判評分選出,點知今次又再次發生同類事故。